Bakı Turizm Peşə Məktəbində tədrisin keyfiyyətinin artırılması, müəllimlərin peşəkar inkişafının dəstəklənməsi və qabaqcıl pedaqoji təcrübələrin paylaşılması məqsədilə açıq dərslərin təşkili davam edir.

16 yanvar 2026-cı il tarixində məktəbin müəllimi Məhərrəmova Vüsalə tərəfindən “Turizm coğrafiyası” modulu üzrə açıq dərs keçirilmişdir. Dərs zamanı tələbələrə turizm coğrafiyasının əsas anlayışları, turizm resurslarının regional xüsusiyyətləri və turizm marşrutlarının formalaşdırılması mövzuları interaktiv üsullarla izah olunmuş, müasir tədris metodlarından istifadə edilmişdir. Açıq dərs iştirakçılar tərəfindən maraqla qarşılanmış, tələbələrin mövzuya fəal cəlb olunması təmin edilmişdir.

23 yanvar 2026-cı il tarixində isə müəllim Əzimova Gülnar “Turizm coğrafiyası” modulu üzrə növbəti açıq dərsi təqdim etmişdir. Dərsdə dünya və regional turizm istiqamətləri, turizm axınlarının coğrafi paylanması, həmçinin turizmin sosial-iqtisadi təsirləri mövzularına xüsusi diqqət yetirilmişdir. Tədris prosesində innovativ yanaşmalar tətbiq olunmuş, tələbələrin analitik düşünmə bacarıqlarının inkişafına yönəlik tapşırıqlar yer almışdır.

Keçirilən açıq dərslər müəllimlər arasında təcrübə mübadiləsinin gücləndirilməsinə, tədrisin səmərəliliyinin artırılmasına və tələbələrin peşəkar bilik və bacarıqlarının formalaşmasına mühüm töhfə verir. Bakı Turizm Peşə Məktəbi bundan sonra da keyfiyyətli və müasir təhsil mühitinin inkişafı istiqamətində fəaliyyətini davam etdirəcəkdir.