“Əməliyyatçı – Mühasib” ixtisası bir çox fəaliyyət meyarı nümunəsini özündə birləşdirir:

• Təsərrüfat sübyektinin maliyyə ehtiyaclarını müəyyən etmək;
• İşin tələblərinə əsasən gündəlik fəaliyyətləri planlaşdırmaq;
• Proqram təminatının seçilməsində iştirak etmək:
• Avtomalaşdırılmış mühasibatlıq sistemlərinin seçilməsi və istifadəsi barədə məsləhət vermək.
• Müəssisənin məlumat bazasını yaratmaq:
• Təsərrüfat sübyektinin tələblərinə əsasən mühasibat uçotunun hesablar planını hazırlamaq;
• Sifarişçilər və satış ilə bağlı məlumatları hazırlamaq və daxil etmək;
• Təchizatçılar və satınalmalar barədə məlumatları hazırlamaq və daxil etmək;
• İnventarizasiya ilə əlaqədar məlumatları hazırlamaq və daxil etmək;
• Müvafiq məhsullar, xidmətlər və təşkilati bölmələr üzrə xərcləri bölüşdürmək, hesablamaların düzgün və təşkilatın prosedurlarına uyğun aparılmasını təmin etmək üçün məlumatları gəlir və xərcləri əsaslandırmaq, təşkilatın fəaliyyət məqsədlərinə uyğunluğunu təmin etmək;

• Hesab-fakturaları, qaimə-fakturaları və digər xərc sənədlərini hazırlamaq (tərtib etmək) və icra etmək;
• Sifarişçilər tərəfindən edilmiş ödənişlərin qeydiyyatını aparmaq və müştərilər ilə əlaqədar məlumatları yeniləmək;

• Satınalmaların qeydiyyatını aparmaq və nəzarət etmək;
• Əmək haqqı, müavinətlər, vergilər, ezamiyyətlər, eləcə də sağlamlıq və ya qocalıq ilə əlaqədar işdən azad olma halları üzrə ödənişləri hesablamaq və qeydiyyatını aparmaq;

• Gəlir-xərc məlumatlarını müvafiq qaydada yeniləmək.
• Hesablar üzrə məlumatları toplayıb işləməklə müəssisənin aktivlərinin və passivlərinin mühasibatlıq kitabında qeydiyyatını aparmaq:

• Mühasibat uçotunu və dövlət orqanlarına maliyyə hesabatlarını hazırlamaq, hesabatlıq və prosedur normalarına düzgün, tam və uyğun olmasını qiymətləndirmək üçün yoxlamaq;

• Hesablar üzrə məlumatlardan istifadə etməklə maliyyə əməliyyatlarını sənədləşdirmək;
• Toplanmış məlumatlar əsasında mövcud maliyyə vəziyyətini öyrənmək, balans, mənfəət və zərər haqqında hesabat, o cümlədən digər hesabatları hazırlamaq;

• Sənədləri yoxlamaqla maliyyə əməliyyatlarını təsdiqləmək və ödənişləri həyata keçirmək;
• Maliyyə uyğunsuzluqlarını yoxlamaq və aradan qaldırmaq;
• Daxili yoxlamalar vasitəsi ilə maliyyə təhlükəsizliyini təmin etmək.
• Yaranmış öhdəliklər üzrə bəyannamələri və hesabatları hazırlamaq:
• Vergi, sosial sığorta və s. ödənişləri həyata keçirmək, onlara nəzarət etmək;
• Təsərrüfat sübyektini sifarişçilər və dövlət orqanları (vergi, sosial müdafiə, statistika və s.) qarşısında təmsil etmək, maliyyə məsələləri ilə əlaqədar arbitraj (məhkəmə) çəkişmələri zamanı yardım göstərmək;

• Aylıq, rüblük, illik bəyənnamələri və hesabatları (vergi, sosial sığorta, statistika, məşğulluq və s.) hazırlamaq;

• Hesablanmış vergilərin və sığorta haqlarının vaxtında ödənilməsini təmin etmək.
• Pul vəsaitlərini idarə etmək:
• Büdcələr (smetalar) üzrə gəlir və xərcləri yoxlamaq;
• Bank ilə bağlı əməliyyatları (ödəniş tapşırığı, çek əsasında vəsaitin nağdlaşdırılması, elektron bankçılıq və s.) yerinə yetirmək;

• Təsərrüfat sübyektinin uçot siyasəti və prosedurlarına uyğun olaraq xərclərin razılaşdırılmış çərçivədə istifadəsini təmin etmək;

• Büdcədən kənarlaşma baş verdikdə müvafiq şəxsləri məlumatlandırmaq, düzəlişlər üçün təkliflər hazırlamaq və həyata keçirmək;

• Xərclənməmiş pul vəsaitlərinin uçot siyasətinə uyğun idarə edilməsini təmin etmək;

Qəbul: XI sinifdən (ödənişli)

Tədris dili: Azərbaycan

Təhsil müddəti: 1 il