Azərbaycan Turizm Agentlikləri Assosiasiyasının (ATAA) illik fəaliyyətinin yekunlarına dair konfrans keçirilib.

Tədbirdə Bakı Turizm Peşə Məktəbinin direktoru Neylüfər Kərimova, Azərbaycan Turizm Agentlikləri Assosiasiyasının üzvləri, Dövlət Turizm Agentliyinin və Azərbaycan Turizm Bürosunun rəhbər şəxləri, eləcə də turizm sənayesinin nümayəndələri iştirak ediblər.

Tədbir çərçivəsində Azərbaycan Turizm Agentlikləri Assosiasiyasının (ATAA) illik fəaliyyətinin yekunlarına həsr olunan video-hesabat təqdim olunub.

Konfransda dövlət-özəl sektoru arasında əlaqələrin genişləndirilməsi istiqamətində Assosiasiyanın həyata keçirdiyi işlər, həm gəlmə, həm də getmə turizmin inkişafı yönündə atılan addımlar, turizm bazarının sağlamlaşdırılması, eləcə də xarici bazarlarda ölkənin turizm potensialının təşviqi, xarici tərəfdaşlarla turizm əlaqələrinin inkişafında həyata keçirilən işlərlə bağlı tədbir iştirakçılarına geniş məlumat verilib.